ស្នេហា៖ សត្វក្ងាន 13/02/2012
Posted by ស្រុកខ្មែរ ស្នេហ៍ខ្ញុំ in និទានបែបកំសាន្ត, និទានបែបអប់រំ, សុភមង្គល, ស្នេហា.Tags: ក្ងាន, ពិសោធន៍ស្នេហ៍, រឿងនិទាន, សត្វក្ងាន, ស្នេហា
trackback
ខាងក្រោមនេះជាអត្ថបទមួយដកស្រង់ពីប្លក់ Khmer Panda ដែលខ្ញុំគិតថាសក្កសមក្នុងឱកាស ថ្ងៃបុណ្យនៃក្ដីស្រលាញ់ វាជាអត្ថបទធម្មតាខ្លីមួយ តែមានន័យយ៉ាងពិសេសបញ្ជាក់នូវក្ដីស្រលាញ់ដ៏ស្មោះស្ម័គ្រ ជ្រាលជ្រៅ អមត ការតស៊ូដើម្បីអាចឈានដល់ការរួមរស់ជាមួយគ្នា ដោយយកពេលវេលា និង ការឃ្លាតឆ្ងាយដើម្បីពិសោធន៍រកស្នេហ៍ពិត សូមរីករាយដូចតទៅ៖
សត្វក្ងានជាសត្វមានចរិតស្លូតបូត ក្លាហាន ស្មោះត្រង់ ហើយមានឆន្ទៈមុតមាំ។ តែចំណុចទាំងអស់នេះគ្រាន់តែជាផ្នែកតូចមួយតែប៉ុណ្ណោះ អ្វីដែលមនុស្សគ្រប់គ្នា ចាប់អារម្មណ៍នោះ គឺស្នេហាស្មោះស្ម័គ្ររបស់សត្វក្ងាន។ សត្វក្ងានក្នុងមួយជីវិតមាន ដៃគូបានតែមួយគត់ ហើយបើដៃគូម្ខាងស្លាប់ ដៃគូម្ខាងទៀតនឹងមិនស៊ីចំណី មិនដេករហូតដល់ស្លាប់ដែរ។
មានមនុស្សចាស់ម្នាក់គាត់ស្រលាញ់ និង ស្ញប់ស្ញែងសត្វក្ងានណាស់។ គាត់បានចំណាយពេល៣០ ឆ្នាំដើម្បីតាមដានសកម្មភាពរស់នៅរបស់សត្វក្ងាន។ គាត់បានប្រាប់ថា សត្វក្ងានមួយគូ កាលណាចាប់ផ្ដើមស្រលាញ់គ្នាហើយ ក្នុងកែវភ្នែករបស់ពួកវា គឺគ្មានសត្វក្ងានផ្សេងទៀតទេ។ ពួកវាមិនដូចជាមនុស្ស ពេលប្រឈមមុខនឹងចំណុចល្អរបស់មនុស្សផ្សេងទៀត គឺចិត្តនៅមិនស្ងៀម ទោះដឹងថាខ្លួនមានក្ដីស្រលាញ់តិចតួចក៏ដោយ ក៏បែងចែកទៅអោយមនុស្សច្រើនដែរ។
នៅពេលដែលសត្វក្ងានចាប់ផ្ដើមសេចក្ដីស្នេហាមួយ ពួកវាបានកំណត់នៅលើ ផ្លូវស្នេហាថាគឺដើរបានតែពីរនាក់វាគត់។ រាល់ឆ្នាំអោយតែដល់រដូវផ្លាស់លំនៅ ស្នេហារបស់ពួកវា ក៏ត្រូវដល់ពេលពិសោធចិត្តគ្នាដែរ។ ពួកវាមិនប្រាកដថា ដៃគូម្ខាងពិតជាអាចរស់នៅជាមួយវាអស់មួយជីវិតបានទេ ទើបពួកវាយកពេលវេលាដើម្បីបញ្ជាក់ពីស្នេហានេះ។ អំឡុងពេលដែលបែកគ្នា ពួកវាបានជួបប្រទះនឹងភាពឯកោ ការលំបាក ហើយប្រឈមមុខនឹងសេចក្ដីស្លាប់ទៀតនៅពេលដែលវាប្រាប់សញ្ញាស្នេហាទៅក្ងានម្ខាងទៀត។
អ្វីៗគ្រប់បែបយ៉ាង ការឃ្លាតពីគ្នាជើងមេឃម្ខាងម្នាក់ ធ្វើអោយក្តីសង្ឃឹមជួបគ្នាកាន់តិចតួចឡើងៗ។ មិនដូចជាមនុស្ស ទោះបីជាជាឃ្លាតគ្នាក៏នៅមានមធ្យោបាយគ្រប់បែបយ៉ាងទំនាក់ទំនងគ្នាដែរ។ នៅពេលរដូវផ្លាស់ទីលំនៅចប់ ពួកវានឹងវិលមកកន្លែងដើម ហើយបើដៃគូម្ខាងមិនស្លាប់ ពួកគេនឹងបន្តស្នេហានេះទៀត ដោយទទះស្លាបរាំនៅលើទឹក។ ការពិសោធន៍នេះត្រូវការរយៈពេលបីឆ្នាំ បើបីឆ្នាំពួកវានៅតែស្រលាញ់គ្នា ពួកវានឹងថែរក្សាស្នេហានេះអស់មួយជីវិត។
ប៉ុន្តែបើពួកវាយល់ថាមិនអាចរស់នៅជាមួយគ្នា ពួកវាក៏ចែកផ្លូវគ្នាហើយក្លាយជាមិត្ត។ ហើយប្រសិនបើពួកវាស្រលាញ់គ្នាពិត ក្នុងចំណោមក្ងានទាំងពីរ មានមួយបង្ហាញនូវភាពក្លាហានប្រាប់ដល់សមាជិកថា ពួកវាថានឹងចាកចេញពីក្រុមនេះ ហើយទៅរស់នៅតែពីរនាក់រហូតដល់ស្លាប់ ហើយគ្មានឈ្មោះថាជាអ្នកក្បត់។ គ្រប់សត្វក្ងានទាំងអស់ សុទ្ធតែយល់ថាមានតែធ្វើបែបនេះទេ ទើបស្នេហារបស់ពួកវាជាស្នេហាពិត។
នេះគឺជាស្នេហារបស់សត្វក្ងាន ធ្វើអោយមនុស្សមានអារម្មណ៍ថារំភើប និង ក្ដុកក្ដូល ពួកវាបានប្រាប់យើងថា៖ មានតែស្នេហាដែលយកពេលវេលាមកបញ្ជាក់ទេ ទើបជាស្នេហាដែលស្ថិតស្ថេរ និង ពិតប្រាកដ៕៚
“រីករាយថ្ងៃបុណ្យនៃក្ដីស្រលាញ់”
Related articles
- ភាពយន្ដ បរទេស៖ The Girl with the Dragon Tattoo (varychin.com)
- សុខភាព៖ ឈាម សិប្បនិមិត្ត ត្រូវ បាន គេ ផលិត បាន ហើយ (varychin.com)
- Robert Pattinson ជាមួយ ការងារ មនុស្ស ធម៌ នៅ ខ្មែរ (varychin.com)
ស្រុកខ្មែរ ស្នេហ៍ខ្ញុំ 
មតិ»
No comments yet — be the first.