ស្រលាញ់បងរហូត – Forever love 08/01/2020
Posted by ស្រុកខ្មែរ ស្នេហ៍ខ្ញុំ in រឿងផ្ទាល់ខ្លួន, វីដេអូចំរៀងខ្មែរ.add a comment
ខុសច្បាប់ដែលមិនថែទាំឪពុកម្ដាយនៅចិន 22/03/2019
Posted by ស្រុកខ្មែរ ស្នេហ៍ខ្ញុំ in ព័ត៌មានដក់ស្រង់, អត្ថបទដកស្រង់.Tags: ប្រទេសចិន
add a comment
ច្បាប់ថ្មីរបស់ប្រទេសចិនបានកំណត់អោយកូនៗរបស់ពួកគេ ត្រូវតែមកមើលពួកគេ និង ចិញ្ចឹមពួកគេ បើមិនដូច្នេះទេនឹងត្រូវតទួលទោសចំពោះមុខច្បាប់ ដែលច្បាប់ថ្មីនោះពួកគេអោយឈ្មោះថា Elderly Right Law “ច្បាប់សម្រាប់ចាស់ជរា”។ ច្បាប់នេះកំណត់ងោយកូនៗត្រូវតែយកចិត្តទុកដាក់ពីផ្លូវចិត្ត ផ្លូវកាយ លុយកាក់ សំរាប់ឪពុកម្ដាយរបស់ពួកគេ ដែលនេះមិនមែនគ្រាន់តែជាសារអប់រំដល់កូនៗនោះទេ វាជាច្បាប់ដែលអាចដាក់ទោសដល់កូនៗរហូតដល់ជាប់គុកទៀតផង។
វាក៏បង្ហាញពីភាពចម្រុងចម្រាស់នៃច្បាប់នេះផងដែរ ថាតើគេអនុវិត្តន៍ច្បាប់នេះបានច្បាស់លាស់ដែរទេ ដែលកូនៗជាច្រើននិយាយថា តើអ្នកណាទៅដែលមិនចង់ទៅជួបឪពុកម្ដាយ រឺ ស្រុកកំណើតអោយបានញឹកញាប់ទៅ? តែនេះមកតែមានការលំបាកផ្សេងៗ ខ្លះនៅក្រៅស្រុក ខ្លះមិនមានលុយកាក់ដើម្បីធ្វើដំណើរជាដើម។ បើយោងទៅនឹងតួលេខនៃរដ្ឋាភិបាលចិន ប្រជាជនយ៉ាងហោចណាស់ជាង ១៧០ លាននាក់ដែលមានអាយុ ៦០ ឆ្នាំ រឺ ច្រើនជាងនេះ នៅឆ្នាំ ២០១០ ហើយចំនួននេះនឹងកើនឡើងទ្វេដងនៅឆ្នាំ ២០៣០។
ការបង្កើតច្បាប់នេះឡើងដោយសារតែ ចាស់ជរាត្រូវរងគ្រោះជារឿយៗ ដូចជារឿងលោកយាយអាយុ ៩១ ឆ្នាំត្រូវបានកូនប្រហារវាយ ហើយបង្ខំអោយចេញពីផ្ទះ ពេលដែលគាត់សុំបបរមួយចានពីកូនប្រសារស្រីរបស់គាត់ ហើយរឿងនេះល្បីពេញអ៊ីនធឺណិត ហើយក៏មានមនុស្សជាច្រើនផ្សេងទៀត បានបង្ហោះរឿងស្រដៀងៗគ្នា ដែលកើតឡើងនៅកន្លែងផ្សេងៗពីគ្នា ដូចជាតាចាស់អាយុ ១០០ ឆ្នាំម្នាក់ត្រូវបានកូនៗអោយដេកក្នុងទ្រុងជាមួយជ្រូកជាដើម។
ទោះយ៉ាងណាច្បាប់នេះហាក់មិនសូវទទួលការគាំទ្រពីប្រជាជនទេ ដោយពួកគេគិតថាការងារនេះគួរតែកើតចេញពីចិត្ត ដែលមិនគួរស្ថិតនៅលើច្បាប់ជាអ្នកកំណត់នោះទេ។
Jack Ma និយាយពីការលក់កង់ឡាន 12/03/2019
Posted by ស្រុកខ្មែរ ស្នេហ៍ខ្ញុំ in ដកស្រង់ពីហ្វេសប៊ុក, ព័ត៌មានដក់ស្រង់.Tags: Jack Ma
add a comment
សំបកកង់ឡានមួយមាន3តម្លៃ មិត្តស្លាប់រស់លក់ក្នុងតម្លៃ850$ មិត្តភក្តិលក់ក្នុងតម្លៃ830$ អ្នកដទៃលក់ក្នុងតម្លៃ780$ តើអ្នកនឹងទិញពីអ្នកណា? ទីបំផុត គាត់រើសយកតម្លៃរបស់អ្នកដទៃ780$ តែគាត់មិនបានដឹងថាអ្នកស្គាល់គ្នាគេយកចំណេញត្រឹមតែ20$ មិត្តស្លាប់រស់មិនយកចំណេញសូម្បី1សេន បែរជាបង់ខាត ថ្លៃដឹកជញ្ជូនអស់50$ទៀត។ ឯអ្នកដទៃវិញលក់780$តែគាត់បានចំណេញ580$បាត់ហើយ! ចុងក្រោយ កង់ឡាននោះគឺរបស់ក្លែងក្លាយ!ស្តាយក្រោយ…
មិនមែនមកពីកង់ឡានក្លែងក្លាយមានច្រើនទេ តែមកពីអ្នកលោភលន់ពេក។ មិនមែនមកពីអ្នកស្គាល់គ្នាចង់កាប់អ្នកទេ តែអ្នកស្គាល់គ្នាចង់ឲ្យមានការធានាដ៏ល្អដល់អ្នក។ JACK MA ធ្លាប់និយាយថារកស៊ីជាមួយអ្នកជិតដិត អ្នកលក់ឲ្យគេប៉ុន្មានក៏ដោយ ក៏គេនៅតែយល់ថាអ្នកបានចំណេញពីគេ ទោះលក់ឲ្យគេថោកហើយក៏គេមិនដឹងដែ!ថ្លៃដើមរបស់អ្នក ពេលវេលារបស់អ្នក ការដឹកជញ្ជូនរបស់អ្នកគឺគេមើលមិនឃើញទេ គេសុខចិត្តទៅឲ្យអ្នកដទៃចំណេញ ក៏មិនចង់ទៅគាំទ្រគ្នាឯងដែរ! ពីព្រោះតែក្នុងចិត្តគេគិតថា តើអ្នកបានចំណេញពីគេប៉ុន្មាន? តែមិនដែលគិតថាតើអ្នកនឹងជួយសន្សំឲ្យគេបានប៉ុន្មាននោះទេ! ប្រសិនបើអ្នកក៏មានគំនិតបែបហ្នឹងដែរ អ៊ីចឹងវាគឺជាការគិតរបស់អ្នកក្រ!
ផ្ទុយទៅវិញ… អ្នកមានបានជាមានទៅៗ ព្រោះពួកគាត់សុខចិត្តគិតគូររកស៊ីជាមួយអ្នកស្គាល់គ្នាច្បាស់ ជួយរក្សាគ្នាទៅវិញទៅមក ដូច្នេះសំណាងរត់រកក៏ច្រើនដែរ មិត្តភក្តិជាច្រើនក៏គាំទ្រអ្នក លុយកាក់នឹងហូរចូលកាន់តែច្រើន! នេះហើយដែលគេហៅថា ចូលរួមសហការគ្នានោះ។
ក្មេងស្រី និង រថភ្លើង 27/02/2019
Posted by ស្រុកខ្មែរ ស្នេហ៍ខ្ញុំ in ដកស្រង់ពីហ្វេសប៊ុក, ព័ត៌មានដក់ស្រង់.add a comment
ប្រទេសជប៉ុន ជាប្រទេសមួយដែលធ្វើអោយមនុស្សគ្រប់គ្នាសរសើរមិនដែលដាច់ពីមាត់នោះទេ ព្រោះកុំថាឡើយប្រទេស រឺប្រជាជនរបស់ប្រទេសនេះ សូម្បីតែគោលនយោបាយ រឺរបៀបរបបការងារប្រទេសនេះ ក៏ធ្វើអោយពិភពលោកគោរពអោយតម្លៃមិនស្ទើរដែរ។
ក្រៅពីបញ្ហាធំៗដែលប្រទេសជប៉ុនបានយកចិត្តទុកដាក់បំពេញអោយបានល្អឥតខ្ចោះ សូម្បីតែរឿងតូចៗក៏ប្រទេសនេះមិនលើកលែងអោយមានខ្វះចន្លោះដែរ។ តួយ៉ាងដូចជារឿងមួយនេះអញ្ចឹង នរណាៗក៏ដោយអោយតែបានលឺពីរឿងនេះនឹងចាប់ផ្តើមស្រលាញ់ប្រទេសជប៉ុនដោយមិនដឹងខ្លួន។
រឿងនេះជារឿងពិតដែលកើតមាននៅឯស្ថានីយ៍មួយកន្លែងឈ្មោះថា គ្យឹះស៊ីរ៉ាតាគី នៅកោះហុកកៃដូ។ នៅស្ថានីយ៍មួយនេះ គឺមានអ្នកដំណើរតែម្នាក់គត់ដែលចាំជិះរថភ្លើង ព្រោះទីនោះជាតំបន់ដាច់ស្រយាល និងមិនសូវមាននរណាម្នាក់ធ្វើដំណើរមកកាន់ទីប្រជុំជនធំឡើយ។
ថ្វីត្បិតតែមានអ្នកដំណើរតែម្នាក់ពិតមែន រដ្ឋាភិបាលជប៉ុន មិនបានបិទស្ថានីយ៍មួយនោះឡើយ ពោលគឺរថភ្លើងនៅតែធ្វើដំណើរមកកាន់ស្ថានីយ៍នេះដើម្បីទទួលយកអ្នកដំណើរ ព្រោះថាអ្នកដំណើរម្នាក់នោះគឺជាក្មេងស្រី ដែលធ្វើដំណើរតាមរថភ្លើងទៅសាលារៀនប្រចាំថ្ងៃ។
រថភ្លើងនោះនៅដំណើរការរហូត ព្រោះបើអញ្ចឹងទេ ក្មេងស្រីនោះមិនអាចទៅសាលារៀនបាននោះឡើយ។ ជារៀងរាលថ្ងៃ រថភ្លើងឆ្លងកាត់តំបន់នោះតែប៉ុន្មានជើងតែប៉ុណ្ណោះ ព្រោះនៅពេលដែលឆ្លងកាត់នោះ បើមិនមែនក្មេងស្រីនោះត្រូវទៅរៀន ក៏ត្រូវពេលដែលនាងត្រលប់មកផ្ទះវិញដែរ។
គួរបញ្ជាក់ផងដែរថា ស្ថានីយ៍ត្រូវបានបិតលែងអោយដំណើរការនៅក្នុងខែមិនា ឆ្នាំ ២០១៦ ខណះដែលក្មេងស្រីនោះបានបញ្ចប់ការសិក្សាពីសាលានោះ ហើយនាងលែងត្រូវការធ្វើដំណើរទៅតាមរថភ្លើងទៀត។ ទង្វើរនេះពិតជាគួរអោយសរសើរពិតមែន៕
Illustrator Tutorial CS4 (Khmer) 15/01/2019
Posted by ស្រុកខ្មែរ ស្នេហ៍ខ្ញុំ in ចំណេះដឹងទូទៅ, ឌីហ្សាញ.Tags: Adobe Illustrator, Illustator CS4
add a comment
បំណាច់ស្រលាញ់ – បាន មុន្នីល័ក្ខ 13/01/2019
Posted by ស្រុកខ្មែរ ស្នេហ៍ខ្ញុំ in ចំរៀងខ្មែរ.1 comment so far
បានការពារ: អារម្មណ៍ក្មេងនៅវ័យចំណាស់ 08/01/2019
Posted by ស្រុកខ្មែរ ស្នេហ៍ខ្ញុំ in រឿងផ្ទាល់ខ្លួន.បញ្ចូល ពាក្យសំងាត់ របស់អ្នក ដើម្បីមើល រាល់វិចារ។